„Nihau“ Hongkong / Macau und „Tam Biet“ Vietnam

Mitemene lächelnde und emene truurige Oug heimer dr Norde vo Vietnam Richtig Hongkong verlah. Leider heimer ide letschte Taeg ds Hanoi es paar negative Erfahrige müsse mache mit diverse „Locals“. Fasch bi jeder Glaegeheit heisi nis weue beschisse, sigs bim zahle fuer ufenes oeffentlechs WC oder bim Busfahre wosi bis zum 10fache hei verlangt.
Mitem Fleuger simer via Bangkok uf Macau gfloge u vo dert us mit dr Faehre uf Hongkong. Dert acho simer mit offene Arme vor Caroline empfange worde. Bi ihre heimer fuer 4 Taeg doerfe i zieh. Sie hetnis de afe mau e chli di kulinarischi Site zeigt u o womer ziemlech schnaeu ueses gaeud choei los waerde, sprich riesigi Ichoufszaentre. Zwuesche duere simer mau uf die äneri Site vor Hongkong-Insle fuer am Hochhuusdschungel ds entflieh u die baergigi Kueschte zgseh. Am letschte Tag simer naer sogar no ufene Wanderig im Norde vo Hongkong mitere Hundegruppe (10 Luet u 10 Huend). Dank dene naete u hilfsbereite Luet ds Hongkong u nids ds letscht dank uesem Guide (Caroline) heimer e super Abschluss vo uesere 8-monatige Reis ka.

No es Znacht u naer mache mir nis ufe Waeg id Schwiiz.

Es het nis gfroeit wi viu vo euch mit grossem Intraesse uesi Reis hei verfolgt.

Merci

Mirjam u Nicolas

Xin Ciao

Xin Ciao

Nach uensne Badetaeg simer i Norde gfahre uf Nah Trang. Vo doert us heimer e Schnorcheltour buechet, hei die aber spontan chli gaenderet u si no ga e Touchgang mache. Wir hei gfunde das wuerdi uens doch guet tue zum luege oeb mr no alls choenne. D‘ Touchbegleiter hei aber alls sehr rassig gmacht, chli schnaell fuer uens 2i Unsichere. Isch aber de glich alls guet gange, eifach gseh het me fasch nuet, wil d Sicht so schlaecht isch gsi.. aber iz.. guet ta hets nus=)

Witer noerdlich simer uf Hoi An, es wunderschoens , haerzigs Stedtli voll gschmueckt mit Blueme u Lampions. Wir hei nus no Cheider la schnidere bem chli sehr wiibleche Ho u sire Schwester, di si koeschtlech gsi..haha

Dr China-Beach simer no ga uskundschafte wil mr no hei wele ga surfe. Vo de Waelle haer isches nuet Sschlaus gsi u vil z chalt isches o gsi. Usserdaem ische ueberboue vo riise Resorts, aber d Helfti isch nid fertig boue worde u gseht o nid us als wuerdis no. D nachbars Stadt Danang het nus o gar nid gfalle. Uensi Spontanitaet het nus no e Strich duer d Raechnig gmacht, wil Tet (chinesisches Noeijahr wo d Vietnamese o fiire) isch, schaffe vil nid u vil Iheimischi si unterwaex. So das mr kener Zugtickets meh hei uebercho, odr nuem a daem Datum womer hette wele.. Drum simer churzfristig ga ne Flug bueche uf Haiphong, vo doert simer mitem Boot uf Cat Ba Island chli ga Kajakne u hei ufem Boeti no e Iheimischi Familie kenne glehrt: Aan, Mi, Mai u Ban=) Am naegschte Tag simer mitem ne riise Touristeboot duer di idruecklechi Halongbucht uf Halong City gfahre u vo doert mitem Boes uf Hanoi. Doert simer widr z spat gsi zum Zug tickets bueche u hei nume no di untersti Klass verwuetscht: Holzbaenk, u das fuer e 10 stunde Nachtfahrt uf Sapa..we me wenigschtens d Faenster richtig hetti choenne zue tue. Wir hei oepe 4 Schichte a ka u dr Schlafsack uf de Bei u Kapuze u als Wueschte, u ging no chalt ka.. Isch laeng gsi.. Richtig kaputt u mued simer acho.. Wir erlaebe grad e chli e Temperaturschock hie im Norde,aber de choenne wr nus afe chli aklimatisiere fuer Deheime=)

Wir hei so gueti Erfahrige mite Vietnamese im Suede vo Vietnam ka..U sit mer hie im Norde si, versueche si eim z bschiisse a jedem Egge. A so vilne Orte hei di Luet so Froeid ka weme be ihne oepis kouft odr be ihne ikehrt isch, u hie schetze sis grad ueberhoupt nid, maengisch wei si eim nid e mal e Flaesche Wasser verchoufe.. Schad.. Aber iz hie in Sapa laebe di Mhong Voelker u das si ganz sympatischi naetti Luet. Wir verbringe iz 3 Taeg hie i de Baerge u de goemer no 2i Taeg uf Hanoi bevors nach Hongkong geit.

Z Tet Festival isch nus no es 2its mal id queri cho. Wir hette mitem Zug planet ka uf Hongkong z reise, fuer das hette mr aber es Chinavisum brucht, u di Chinese hei natuerlich d Botschaft in Vietnam zue waehrend daer Zit..Also isch das neut gsi u wir hei e Flueger buechet.

Liebi Gruess Mimolas

News us Vietnam

Ueber d Graenze uf Vietnam isch e chli schnaeller gange.. Chum ueber d Graenze hets kener Tuk Tuks meh drfuer het jede e Riis-Huet a. Si nume grad e Tag ir Graenzstadt Ha Tien blibe, womer am Abe zu 2i Iheimische si gstosse wo nus zu Riis-Whiskey u zum Aesse iglade hei. All pot hei si widr irgens es ander Gricht uftischet. Zum Dessert hets Pommes Frites mit Anke u Zucker gae u nomal chli speter hets no irgend e grillierte Vogel gae.. dae isch super gsi..

In Can Tho zmittst im Mekongdelta simer no z maerit ufe Mekong. Uf de Boeteni hei alli ihrer Sache verchouft u das scho ab de 6i am morge. Di si scho i aller herrgotts frueii unterwaex wi Ameise.

2i Taeg heimer in Ho Chi Minh verbracht. Dr Vercher isch dr "best" gsi bis iz =)..Si mit de Velo ab mitts ids zueg. Eifach nie braemse. Me muess sich o nid wundere we eim ab u zue eine uf dr gliche Strassesite entgaege chunnt.. si de es paar Taeg uf Mui Ne wo Nici no ae Kite-Surf Kurs gmacht het. I ha i daer Zit albe boes ka mit allne Laede z gse u z laese u Massage u Pedicure=) Mui Ne besteit us 2i Teile, dr eint isch touristisch (zu 90% Russe) u dr ander Teil isch es ganz es haerzigs Fischerdoerfli. Nach Straend u Sandduene simer witer i Norde uf Nha Trang zu no me Straend u Insle. Di 2i Oestricher womer scho z Laos troffe hei u zaeme Wiehnachte verbracht hei, heimer widr troffe u es paar gmuetlichi Stunde verbracht. Leider isch uenses Reisetempo chli schneller als ihres u drum heimer scho widr tschuess gseit. 

Tham Biet (Tschuess uf vietnamesisch)

Miri u Nici

Hallo zaeme

Wir hei grad es paar Taeg usgspannt in und rund um Kep, es Stedtli ar Kueste. 2i Taeg drvo simer uf d Rabbit Island u 2i Taeg simer chli mitem ne Roller duer d Gaegend gfahre. Wir hei Seafood gnosse i volle zueg.. U warm isches de, ae riise Unterschied zu Laos, drum naeme mr o alls wider chli gmuetlicher. Amene Strand het nus ae iheimischi Frou Chraebse kochet waehrend daem wir hei bekanntschaft gmacht mitere Horde Chind, wo e riise Froeid a nus hei ka odr imel a uensem Foeteler.. daementspraechend vil Foeteli hets gae.. =)

Nach e huufe Salz-gwinnigs-Faelder u vilne Insle simer huet morge ueber d Graenze uf Vietnam. Chum bringe mrs z stand das wr choei Hallo u Merci saege das si nus verstoe, simer o scho widr im naegschte Land u lehre widr noeii Woerter.

No drue Wuche u de soete mr z Honkong si.. Wir hei gmerkt das wr nume no churz Zit hei fuer Vietnam u drum Suedchina muesse striche. Das heisst wir bueche sehr wahrschinlech vom Norde vo Vietnam  no e Flug uf Hongkong. Doert waerde mr no d Caroline traeffe wo mit mr id Sek isch u wir doerfe nus ihri Heimat la zeige zum Abschluss vo uensere Reis. 

Liebi Gruess Mimolas

Hallo zaeme Uf uensere 3taegige Rollertour simer chli ga Hoehline luege u naebscht vilem fahre heimer cooli Erlaebnis ka. Si duer ganz abglaegeni Doerfli gfahre u i vilne drvo si di junge Meitleni ganz traditionell agleit gsi, irgendoepis gfiiret heisi, was heimer nid usegfunde. Ueberall heisi eim fruendlich mit „Sabaidee“ begruesst u d Chind hei immer oepe gwunke. I eim Dorf heisi no Stierkampf ka, wir hei churz aghalte u das Spektakel churz verfolgt. Dr Sieger-Stier isch immer ir mitti vom Platz gstande bis si e noeiie Gaegner am ne Strick hei haeregfuehrt u di zwoe ufenand losglah hei.Drumum di gwundrige Luet teilwiis mit Chind ufem Arm. D Kaempf si immer nume churz gsi, naer isch dae Stier vo sech unterlaege het gfuehlt abgsecklet.. alli Luet si uf d Site gumpet, uens hets ehnder chli Angst gmacht. Wir si absits gstande ir noechi vom ne Outo womer i deckig hei choenne ga=) Dr jewilig Bsitzer het de sim Stier muesse hinder nahi seckle u ne ga ifah. A eim Ort hei nus zwoei Meitleni no glehrt Suppe aesse.. Si hei nus beobachtet u glachet, nachdaem wr d Nudelsuppe serviert hei uebercho u grad hei afa loeffele. Mit Chilisauce u Fischsauce u Rohrzucker si si nus de grad eigehaendig cho wuerze. Be de Chilliflocke hani mi de chli gwehrt. Probiert hei si de o no grad saelber u si zfride gsi. Ae grosse Teil vor Strass het meh us Loecher u Puggle bestande als suesch oepis. Links u raechts Wasser. Im 2010 hei si ae Damm gmacht u hei riise Flaecheni vo Land u Wald gfluetet, gseht no speziell us. Wir si de ganz i Suede vo Laos gfahre zu de 4000 Islands. Da isch dr Mekong so breit u ir Trochezit dr Wasserstand relativ nidrig das tuusigi vo Insle zum vorschin choeme. Uf eire drvo simer ueber Noeijahr blibe. Ga Kajakfahre simer wos pinlecherwiis dr Nici u miech ber erste Schwelle, u als einzigi grad kehrt het=) aber amne sone heisse Tag isch das halb so schlimm gsi. Hei no Suesswasserdelphine gse u si ga Wasserfaell luege. U zum Sunneuntergang hei padlet. Mitem Boes simer de ueber d Graenze uf Kambodscha. Mit so vil Luet (si tue gaern chli Sitzplaetz ueberbueche) u Visum u Staemple isch alls e chli lang gange. Sogar duere Gsundheitscheck heimer muesse u fuer alls zocke si eim do e chli Gaeld ab.. Aes het nus de fasch eine gae wo si sogar jedem Fiebergmaesse hei.. Si imel irgendwenn mal in Phnom Penh acho. Si 2i Taeg ir Houptstadt blibe. Hei uenses Vietnam Visum la mache u hei d Stadt erkundet. Gschockt simer gsi vom Gschichtleche. Vo daene 3 Millione Kambodschaner wo si umcho i daer Zit wo di rote Khmer z saege hei ka. U das ersch vor guet 30 Jahr. Di letschte 2i Taeg simer in Siem Reap gsi u hei d` Angkor-Taemple bestuunet u si ga Doerfleni bsueche wo im Momaent halb im Wasser stoe u statt Roller u Velo heisi Boetleni. Ir Raegezit si si ganz gfluetet. Isch ganz idruecklech wi die da laebe. Sogar d Soei hei e Stall uf Stelze... Morn geits ad Kueste, wir wei chli ads Meer. Kambodscha isch duetlich wermer als Laos, da spilts gar ke Rolle oeb iz d Warmwasserduschi funktioniert odr nid. Suasdai u bis gli Mimolas

Hallo zaeme

Nach ere Rollertour womer nus grad verirrt hei unus ir Pampa niemer het choenne saege wo dueri u nach em ne imposannte Wasserfall simer ufene 6stunde Fahrt uf Phonsavan. D Strass isch so kurvig gsi das me sich 6std lang het muesse konzentriere das eim nid schlaecht wuerd.. In Phonsavan isch grad es paar Grad chelter gsi u wir hei sogar d Jagge fueri gno. Wir hei ei Tag es Velo gmietet u si zu de Plain of Jars, Steichrueg wome nid weis wohaer gnau das si choeme. De heim mit 2i zfridne Oestricher e 2 taegigi Trekking tour gmacht. Di isch dr hammer gsi. Si zimli vil gloffe u hei im ne Hmong (es Volk urspruenglich us China) Doerfli uebernachtet. Di Iheimische hei nus kochet. Wos dunkel isch worde simer ga lige u wo d Gueggle hei afa chreie simer widr ufgstande.. Dr 2it Tag simer gredi duere Wasserfall ufgloffe u ds Bomb Village ga luege. Di Region het no immer sehr vil Bombe im Bode wo nid explodiert si waehrend em Indochina Chrieg. Wir hei sogar vo witem koert wi Spezialiste se hei entscherft, was si Tag fuer Tag mache.No am gliche Abe heimer dr Nachtboes gno u si uf Vang Vieng. In Vang Vieng isches sehr touristisch. Wir si mit de Gummipnoe ufe Fluss u mite 2i Oestricher wo e Tag nach uens si in Vang Vieng itroffe ga chlaettere u Hoehline besichtige u am Heilig Abe mitne ga aesse u no churz i Usgang. De simer nach 3 Taeg o scho widr witer bis Tha Kaek. 8 Stund hets gheisse.. si aber schlussaendlich oeppe 12 Stund unterwaegs gsi.. todmued simer acho u si ids naegschte Guesthouse. Isch z gruesigschte gsi womer bis iz hei ka, u das am 25.dez. =) Wir si schnaell widr furt gsi am naegschte morge. Mitem Roller simer hurtig ad Graenze u uf Thailand dueri u widr zruegg uf Laos zum z Visum verlengere, wonus chli z frue ablouft. Iz choei mr widr ohni Zitdruck vil erlaebe, obwohl, Hongkong isch no wit...

Morn geits ab uf ne 3 Taegigi Rollertour. Mier tuets Fuedle scho weh nume vom dra daenke=)

Liebi Gruess Mimolas

Hallo zaeme

Nach es paar ganz coole Taeg in Bangkok u re Tour uf Kantchanaburi simer mitem Nachtbus uf Chiang Mai gfahre. Churz nachdaem mr nach dar laenge Busfahrt si acho simer grad mit uf ene Tour. Wir si paar Stund ga wandere, het also ganz guet ta wider mal chli Bewegig z uebercho. Uebernachtet heimer am Fluss noeime ir Pampa be es paar Iheimische wo doert i 4-5 Huesli laebe. Aes isch raecht hert gsi, aber es super Erlaebnis. Am naegschte Tag simer zu de Elefante. Wir si z zwoeit uf einae u mitem im Fluss ga bade u de no mitne ga spaziere. Wir hei ghoffet das wemer so oepis mache dases di Elefante o guet hei. Wir heis imel z gfuel ka si heiges viil besser als e Elefant im Zoo. Ae Flossfahrt heimer no gmacht u ga rafte simer o no grad. Zruegg in Chiang Mai simer a Nachtmaerit. Dr naegscht Tag isch Nici ga bike u i bi mal i ne Thai Massagekurs ga schnuppere, hei beidi e super Tag ka.

Wir si witer fuer ne Tag uf Chiang Rai. Wir hei ja scho viil Taemple gse, aber doert hets e wiise Taempel wo e Kuenstler vor oepe 4 Jahr het afa la boue u soetti im 2070 fertig waerde. Aer het aber chli e spezielli Kunst. Im Taempel waerde d Waend bemale mit bilder vom Spiderman wo vo Planet zu Planet huepft u Bin Laden u Bush findet me ire Pupille vore riise Gstalt wo di halbi Wand usmacht. Dr Aschlag vom 11.Sept isch o ufgmale usw. Sache wo uens no speziell tuech das im ne Taempel z gse. Aber ja.. Kunst isch kener Graenze gsetzt.

Mitem ne Boot simer ueber d Graenze uf Laos u i 2i Taeg uf Luang Prabang gfahre dr Mekong ab. Am erste Tag si alli Luet uf 2i Boot verteilt gsi u wir hei im ne haerzige Doerfli uebernachtet. Dr zwoeit Tag simer alli i eim Boot gsi, isch de raecht aeng worde..aber gange. Iz verbringe mr de aes par Taeg in Luang Prabang, es haerzigs Doerfli am Mekong.

Liebi Gruess us Laos

Hallo zaeme

Z Waetter isch de o widr chli besser worde.. hei no es paar Taeg verbracht mit Surf versuech u Sandduene boarde in Port Stephens. Ufem Waeg zu de Blue Mountains simer no bemene schwitzer Ehepaar wo miner Eltere kenne glehrt hei verbi u hei doert uebernachtet i ihrem Bed and Breakfast u heis gnosse wider emal es richtigs Bett z ha=)

Ide Blue Mountains simer chli ga loufe u dr Grand Canyon vo Ouschtralie ga begutachte. Nach witere 3 Taeg ds Sydney heimer uesi 35h-Reis i Agriff gno u versueche nis jitze ds Bangkok ads Asiatische Klima ds gwoenne un nis vom Jet-lag ds erhole. Nach es paar Temple, em Tuk-Tuk fahre, vielne aenge Gaessli, fruendlechi u liebenswaerti Luet heimer Lust uf me Neus u Unbekannts uebercho.

E liebe Gruess (idi hoffentlech schneerichi Schwiiz) usem pulsierende Bangkok

Mimolas

Wir si widr zruegg ad Kueste gfahre. In Hervey Bay simer d Katle wo mit mier schuttet ga bsueche, si schaffet es par Wuche ufere Pferde Ranch. Si het de es par Taeg choenne fri nae u mit uens choen e Tour uf Fraser Island mache. Wir si e Gruppe vo 10 Luet gsi une Leiter. Wir hei 3 u cooli Taegu f dr Insle verbracht. Wir hei zaeltlet u vil badet wils so heiss isch gsi. Kochet heimer immer alli zaeme u gahre simer mit zwoei 4x4 Outo. Zeinte isch dr Leiter gfahre z andere immer abwaexligswis oeper vo uens.. d Katle u iech heis z stand bracht im Sand blibe z stecke=) z ganze isch sehr touristisch aber wuerkli ae schoene Flaeck uf daer Waelt. Dingos, di wilde Huend heimr gse. Ir Nacht heimr immer soelle e Staecke parat ha das me sich cha were falls eim eine agumpet.

Nach es paar HippieDoerfli, bade bem ne Wasserfall u di erschti Schlange atraeffe simer uf Brisbane gfahre u es Ehepaar womer vo Neuseeland kenne ga bsueche. Wir hei de nume grad 1 Tag ir Stadt verbracht wilmr fasch nuem hei choenne erwarte ga z surfe. Si de via Surfers Paradise(simer nid lang blibe, wils nume so wimmlet vo Teenies, di hei alli d Schuel fertig u hei ihrer erste grosse Ferie) uf Byron Bay gfahre womer zure Surfer Familie si. Ber Familie Rowley hei mr doerfe uebernachte u si zum znacht iglade worde. Am morge si all 5i mitnus am 6i zum Hus us zum ga surfe wills am morge am beste isch. Wir si 2i Taeg bine blibe u hei z Doerfli gnosse u dr Luechtturm u d Straend u di bis iz nid so erfolgriiche surf versuech. Wir hei chli chlineri Braetter ka alls das mrs vo de Lektione kenne..

Ufem Waeg i Suede hets nus grad chli Raegewaetter beschert.. i guet drue Wuche heimer nume gard 1 Raegetag ka u iz im Momaent heimer grad dr dritt Raegetag in folge, isch ja fasch furchtbar=) Aber wir choeme drfuer mal drzue d Homepage ufe noeischte Stand z bringe.

Liebe Gruess Mimolas

Ersch Fruehlig aber es schlezt eim fasch hinderum di Wermi.. Hei grad spontan entschide no grad z Touchprevet z mache. Wir si fuer 3 Taeg uf z Great Barrier Reef usi ga lehre touche u schnorchle u usse gschlafe ire eigete haerzige Koje. Vode Koralle simer chli entuescht gsi, wir heis e chli farbiger erwartet. Nach daem wer z Hawaii nachem schnorchle so fasziniert si gsi, heimer vom Great Barrier Reef minimum so vil erwartet. Aber d Fische si drfuer dr hammer gsi, i allne farbe, u sogar 2 Haie heimr gse u Schildchroet. U allgemein ufem Boot uebernachte u alls isch super gsi. Bis ufe raecht starch Waellegang wo am Nici chli het zue gsetzt, heimrs gnosse. Immer chli Therorie glert u scho vorem Zmorge z erst mal id Unterwasserwaelt abtoucht .

Widr zrueg a Land simer ga es Boessli abhole, chli groesser isches dasmal.. u si ab noerdlich vo Cairns chli i Raegewald u ga Krokodil luege. Via z Kuranda Hippie Doerfli u Wasserfaell wome sogar ohni Gfahr vome ne Krokodil gfraesse z waerde cha ga bade simer ad Kueste zrueg ga uebernachte. Dr naegscht Tag simer ga e Insletour mache, d Natur het glitte unterem Zyklon vom letschte Februar, me gsehts immer no. Dr Abe heimer z Townsville am Nachtmaerit verbracht. Magnetic Island isch e Tipp gsi vome ne Noeiseelaender. Wir si mitem Boes u zfuess vo Strand zu Strand, eine isch voll Luet gsi, a eim si si am e Film dreie gsi, a eim si Rockwallabies umenand gumpet. Wir hei glich no e Zoo Bsuech gmacht dasmr mal gse wi di toedlichste Schlange usgse, was Koalas so mache u wi mis Lieblingstier dr Wombat usgseht, di Laebe genau mi Lebesstyl =) Cassowaries, Krokis, Papageiae u no vil meh.

Wil grossi Schiff dem eint odr andere ufe Mage schloe simer uf d Whitesunday Islands mitem Schnaellboot. Wunderschoeni wissi Straend mit Sand so fin wi Maehl u super Schnorchelspots heimer gse. Uf de Camping oder uesne Rastplaetz gseh mr diversi interessanti Tier wi Rattekaenguru, riise Flaedermues, Gluehwuermli, Possums u viil Froesche (bis jitz no kenner Schlange.....). Witer simer naer mau zum Coiffeur fuer ne Kurzhaarschnitt (bi beidne!). Nachdaem mer jitz es paar Taeg ar Kueschte hei verbracht, heimer nis jitz gfroeit e chli vom Outback zgseh. Via em Eungenella Nationalpark womer no es chuehlers Klima im Raegewald hei choenne gniesse, simer uf Emerald gfahre womer zur Mittagsziit bis 35 Grad hei ka. Z Emerald heimer doerfe zwe Super-Taeg bi m Jason, er Debbie u em Beau verbringe. Di jungi Familie heimer am Mt.Cheeseman ds Neuseeland kene glehrt. Da dr Jason momentan e chli lenger Ferie het, het aer nis zure nahglaegne Edelstei-Mine gfuehrt wo no es paar komeschi Hippies ihres Glueck versueche Rich zwaerde. Am Namittag simer naer zumene riesiege Stausee ga Wasserschiine u ga Jet-Ski fahre, het fine chli gfaegt u Muskelkater heimer o uebercho. Am Abe heimer jewiils es ausdehnts Grille mit aschliessendem Froesche jage (di si naemlech e Plag) fuer d Manne, wobi d Froue sech em Wii gwidmet hei.

E liebe Gruess vo Down Under

Nach daene 3 Tage heimer d Faehre gno fuer uf d Nordinsle. Wellington het nus guet gfalle u doch hets nus scho bald chli nordlicher zu de Vulkaen zoge. Waege Noeischnee uf 1500m ischs nid drinn glaege uf d Vulkaen z loufe drum simer chli ga bike. Zu mim Glueck fasch nume ahi u zu Nicis Froeid mit vil Draeck=) aes isch es super schoens Taeli gsi u trozt sehr schlachte Waetter Vorhaersage fasch ke Tropf verwuetscht. Wir si witer richtig Norde i Haexechessel, ueberall dampfets usem Bode u es het ei heisse Quelle nachem andere. Silicea Terasse mit allne Farbe, blubberndi Draecktuemple, isch alls u spannend gsi. Wir hei natuerlich d Tips womer hei uebercho usgnuetzt u si zum ne gheime heisse Fluess mit Wasserschwelle nus ga la weich choche u de no grad zum ne naegschte wo e chalte u e heisse Fluss zaeme traeffe, isch super gsi. Fuer 2 Taeg simer no ad Westkueste gfahre u si no ga surfe. Hei schono grad dr eint odr ander Schluck Salzwasser verwuetscht. Wir choei ja de z Oustralie no chli uebe.. Ds zwoeit letschte Ziel isch d Coromandel Halbinsle gsi womer chli d Sunne uds ruige Meer hei gnosse u natuerlich dr Rugby Finalsi ga luege. Vorem Apfiff simer ufem Camping vo re Maori Familie no iglade worde vo irem saelber gfangene Fisch z probiere u si glichzitig no drzuegstosse wo si dae wo am meiste Fisch het gfange uszeichnet u Maori Lieder gsunge hei. De simer im gliche Pub ga dr Match luege, isch no zfride gsi so mit de Iheimische. De simer uf Auckland ga uenses Boessli abgae u ga d Stadt aluege. Dr Richard (Mt.Cheeseman Staff) heimr no zum ne Drink troffe, u speter no d Katrin u Lukas zum Znacht. Di arme Zwoei, ihne isch z Outo ufbroche worde u vil furt cho.. De hets no grad 4 Stund Schlaf gae u de simer los fuer ufe Flueger fuer uf Cairns!

2i si definitif am d ruckseck packe be Peter u Jo in Christchurch. Es par Sache si unterwaex zrueg id Schwiz dasmer chli weniger Gepaeck hei. Wir goe no 2 taeg uf d Halbinsle z Christchurch ids Huesli vo Peter u Jo u e Camper-Van Party isch no agseit ire einsame Bucht vo Akaroa. Naer geits nume no Richtig Norde. ..z Waetter gseht zwar schlaecht us fuer fasch di ganzi naegschti Wuche..

Hei es cools Rugby Spil gseh z Nelson letscht Wuche u si do chli ga loufe, trotz stromendem Raege, isch aber glich super gsi=) . Z campe i uensem Boessli, d Adama, isch aeng u meistens heimer ae riise Unordnig wilmer fasch ke Platz hei, aber wir kennes scho vom Cheeseman vo uensem chaemmerli. Wir hei no grad es paar Verabschidigs Aebe ka, vom Team, vom Cheeseman Ski-Club u vore Familie simer no iglade worde. D Cheesman Girls wo no im Land si, si no ufene Shopping tour u d Maenner hei d Outo zwaeg kloepft u di meiste hei de no e gmuetleche Whirlpool Namitag verbracht.

U gester heimer no grad di froeidigi Nachricht uebercho das Nici isch Goetti worde vom Kimi.. juhuu =)

Tschuessli

Hallo zaeme..

wider isch e Wuche verbii.. wir si a uensne friie Taeg z fueft chli uf Queenstown. Ei Tag drvo heimer ae Bustour a Milfordsound gmacht, aes isch ae mega laenge Tag gsi aber aes het sich glohnt, isch idruecklich gsi. U ds Waetter het de ono rad guet mitgspilt fuer das si 260 Taeg im Jahr Raege hei..

Bevor wr widr hei afa schaffe simer no ids Nachbarsskigebiet ga schifahre. Widr nume Nutknacker Lifte =) u grad widr Muskelkater am naegschte Tag.. Nici isch de vom einte ids andere Schigebiet gloffe/g'schiinet u i bi mitem Outo zruegg a Mt.Cheeseman u hane ar Zuefahrtsstrass noeime ufglade.

Z Wuchenaend isch no chli oepis gloffe wilmr no es Unterhose Rennae u es Pirate Event hei ka, ober all yu straeng isches o nid gsi.. Iz starte mr di letschte 10 Taeg schaffe u de hole mr z Christchurch uenses Camper-Boessli ab womer reserviert hei u fahre uf Nelson (Norde vor Suedinsle) zum ganes Rugby-Spil luege (Russland gaege Australie). De choeme wr widr zruegg uf Christchurch fuere Staff Abschlussabe. U falls nus de no zum putze brucht goemer nomal 2-3 Taeg a Mt.Cheeseman ga putze aber sehr wahrschinlech si si gnueg luet..

Bis bald Mici

D Saison geit scho chli am Aendi zue.. d Wuchenaend si no raecht straeng aber unter dr Wuche louft gar nuem vil.. so wenig dasi grad 2 Wuche ha ferie ka (ha zwar am Wuchenaend doerfe cho schaffe). Nici het nume ei Wuche ka (si wuesse scho war ehnder fri verdient hei..hihi). I bi de mitem Albert u em Armin (2i Innerschwizer) uf Roundhill ga schifahre u di andere Schwizer ga bsueche u no chli uf Wanaka u de widr zruegg cho schaffe.

Letscht Wuche simer uf Dunedin uf d Halbinsle de Pinguine ga nahi seckle womer nid gfunde hei.. hei aber e cooli Tour gmacht duer d Natur u zu Baby Seeloeie. Ir Stadt simer chli ga koemerle (aes noeis Netbook hets gae), zum Coiffeur u id Speights Bier Brauerei. Ufem Heimwaeg heimer de glich no es par Pinguine gfunde (Yellowed-eye Pinguine, di saeltnischti art z Noeiseeland) de simer ga jetboate u uf Christchurch zum Ehepaar (Peter and Jo) ga lige womer immer oepe ab u zue si, u hei no fuer se kochet. Ir Nacht heimer es 4.9 Aerdbebe ka, bi ersch raecht spat ufgwachet u nici gar nid. wobi me im bett weme ligt us dunkel isch gar nid so krass mitueberchunt. Es isch imel nuet us de Gstell kit, also so fescht isches nid gsi.. Jo het zwar gmeint es sigi raecht lang gsi. Bevor wr wider a Cheeseman si simer no ines Nachbars Skigebiet ga skifahre wome z material ufe Lift git u de 50min uehi louft. Obe hets 3 Nussknacker lifte. Me ueberchunt esGgstaeltli mitem ne Isebuegel dra wome sich am Seil vom Lift amacht.. aes isch also nid jedem gae.. wir hei raecht chnoerz ka u zuegae i ha am Tag naer sogar Muskelkater ka=)

Iz schaffe mr e Wuche u de heimer wider 5 Taeg fri u de schaffe mr oepe no 2 Wuche u naer isch das Kapitel de o z aend u si gspannt uf was no alls chunnt.. wir hei scho spannendi iladige vo Gescht wo hie obe si gsi uebercho: surf lektione, wildsoei jage u rinder markiere in Australie..

es anders mal.. liebi Gruess vom Mt.Cheeseman

...zruegg ufem Baerg.

nachem ne raecht guete wuchenaend isch e Sturm uebere Mt. Cheeseman zoge u immer no unterwaex. Schnee (nid so vil, aber immerhin es par cm) u vil Wind. Z Schigebiet isch zue, d Strass rume si scho gar nid wils Lawinegfaehrlich sigi.. niemer cha uehi odr ahi. Iz heimr e gmuetliche Tag, halb schaffe halb relaxe=) I bi scho am 2te Stirnband am haegle.

D Lodge isch schlaecht isoliert. dr Luft drueckt dr schnee ueberall inni, zum Glueck no nid i uenses Zimmer, aber Nici wo am Faenster schlaft brucht es chuessi als isolation wils em ads Gsicht ziet.. Morn gits oepe o no mal so e Tag wi huet naer soett z Waetter widr besser waerde, u de gits de o widr oepis z tue. A alli DRS3 hoerer wir hei ae Gruess gschickt, wir hoffe si saende ne am Mentig.

Bis zum naegschte mal. Miri u Nici

Hallo zaeme

...wir hei de glich no e tankstell gfunde wo Diesel het ka.. u hei uense Trip choenne fortsetze. Wir si uf Wanaka ga uebernachte u am naegschte Tag ga Schifahre. Treble Cone, es Schigebiet mit 2 Saessellifte, isch dr absolut hammer gsi.. Di ussicht ufe See, wahnsinn, me het z gfuel me choenni e gump i See nae. Am Mittag simer aber scho widr witer gfahre dasmr no bis Lake Tekapo choeme. Doert heimr Thierry dr Nadine ire Fruend troffe u si Kolleg dr Marius wo im Skigebiet Roundhill schaffe. Es si raecht witi distanze drum heimr dr letscht Tag vo uensne Fritaeg mit vil Fahre verbracht. Ir gliche Wuche heisi ufem Cheeseman ae rueigi Wuche ka wils gar nid so schoen isch gsi u zum Teil z fescht het gluftet zum d Lifte la loufe.. Wir hei de no e chlini 1.Aug. Fiir ka mit Fondue . Zwar am Samstig anstatt am Mentig, aber isch super gsi =)

Nachere guete Wuche schaffe simer iz scho wider am umenand reise. Wir hei dr Tipp uebercho zu de Welcome Flats z loufe, wasmr o gmacht hei. Wir si ad Westkueste gfahre si vo doert 6 Stund ines Wunderschoens Tal gloffe mitem ne mega coole Wanderwaeg, alls im Raegewald.. z einzig schaede isch gsi, vor luter raegewald u Tal heimr praktisch nie Sunne ka.. ersch womer ber Huette si acho. Doert hets heissi Quelle, was eigentlich dr Houptgrund isch we oeper da hinderi louft. Also uensne Bei hets guet ta, chli ga z bade. Strom hets kene ir Huette u platz hette 35 luet, wir si aber naebst de 2 Huettewart di einzige gsi. Wir hei ae sehr ae chalti nacht ka.. wir hei so vil agleit u glich no chalt ka..trotz em fuere isch dr ober stock nid warm worde, dr rum isch fuer uens 2 vil z gross gsi. Wir si de fasch echli froh gsi das morge isch worde umr hei choenne ufstah =) u aentlech los loufe.. Nachem mittag simer widr bem Outo gsi u uf Greymouth gfahre. U di letschti Nacht so guet gschlafe wils so warm isch gsi =)

Huet geits widr ufe Baerg, mal ga luege oeb no alls ganz isch, wil eine vo beidne Pistemaschine isch immer oepis kaputt, vor churzem si 4 luet cho Stromkabel uswaexle u diversi Reperature mache wo schins tusigi vo Dollars heigi kostet, wil mr schier scho regelmaessig hei Stromusfall ka. Ud Generatore loufe o nid ging (wil oepe oepis kaputt isch). U am Eroeffnigstag vormne Monet het dr eint Skilift grouchnet.. u im kafi hani grad gester e noeie Chuelschrank uebercho, wil dae o kaputt isch gsi =) aber suesch loufts, laengwilig isches imel nie..hihi

Gruessli us Noeiseeland Nici u Miri

Hallo zaeme

wir hei nus guet igaebt ufem baerg u hei grad e straengi wuche hinter nus. Drum heimr iz grad 4 tag fri u si chli ad wetskueste ga d natur gniesse -gletscher straend u raegewald- iz simer in Haast u hei ke Diesel me.. Dr lastwage steckt am Haastpass fest.. mal luege wi lang dasmr muesse warte. Dae viertel tank womer no hei laengt waeder a di naegschti no a di letschti tankstell.

Schnee himer vor 2 wuche vinechli vil uebercho u de doch no choenne eroeffne. Wir hei es par tag zimlech vil gschuflet. Soar ir Zitig simer cho mit bild u pricht=) Nici isch flissig am skischuel gae u iech am hunderti vo kafis am uselah. Am wuchenaend choeme albe 2-3 member vom skiclub ho haelfe ir chuchi, u unter dr wuhe tuni saelber. Eifach so suppe, toasted sandwich, hotdog, muffin etc. u bstellige macheni salber bi aber chli uebrforderet =) aber es geit immer besser. Laengwilig ich nu also nie.. di ersti wuche womer gschaffet hei heimr mal fasch e tag stromusfall ka, d nacht ich de chli chalt worde.. u am afang isch o d strass par tag gperrt gsi wilsi nid hei choenne rume. Aber langam doerftis wider e chli chnee gae, chalt gnueg weris.

Leider choenne wr kener Bilder uehi lade, d Internet Verbindig isch ds schlaecht..

Liebe Gruess u Haast

ALOHA zum 2te!

Wir si am 11.6. z Hilo uf Big Island glandet. Wir si ünses Mietouto ga abhole u gane Unterkunft sueche. Fasch im Dschungel heiwr übernachtet, ufemne Camping heisi nus es härzigs Zimmer vermietet. Dr Camping isch voll vo Boumfrösche gsi, wone riise Meis mache (für üns isches aber ganz gmüetlech gsi be däm Quak izschlafe) di Frösche si vo Puerto Rica igwanderet u si chli zure Plag worde rund um Hilo.

Wir si im Uhrzeigersinn um d Insle u hei u vil gse:

Dr Black Sand Beach zum Bispil, e rabeschwarze Sandstrand um gä vo saftigem Grüen, u will grad Sunntig isch gsi e horde Hippies (10-80 jehrig) am tanze u feschte. I ihrem Marihuana-Rusch heisinus chum bemerkt. Isch amüsant gsi =)

Ganz im Süde hets risigi Landteile wo vo Lava si „überfluetet“ worde bis ads Meer. Winä schwarzi Wüeschti gsets us. Riisigi Flächeni wosi a Land u zum Teil Dörfer hei verlore. Wir si ga natürlechi Saune erforsche, zmittst im Dickicht hets so chlini Höleni wo Wasserdampf usi chunnt. Äs isch Wasser vom Rägewald wo versickeret u im Ärdinnere vor „Vulkan-Wermi“ erhitzt wird. I Volcano Nationalpark simer no gsi. Im Dunkle simer ga dr Vulkan luege, leider gset me ne aber nume chli orang-rot rouchne. I brodelnd Chessel gset me nid würkli. Am nägschte Tag simer no chli ga wandere dür sogenannti Lava-Tubes wo mal isch Lava dr dür gflosse u zrugg blibe isch e unterirdische Tunel. Ume u dür ne erloschne Krater simr no gwanderet, das heisst erlosche ischer no nid ganz, nüm aktiv, nume no chli rouchne us verschidene Spalte. Am südlechste Punkt vo de USA simer no gsi bevor mr de in Captain Cook si ga lige.

In Captain Cook isch dr James Cook acho woner Hawaii het entdeckt. U dört wo sis Monumänt am Meer steit, hets äs wunderbars Riff. Wir heinus de grad hurtig e Schnorchel kouft, hei es Kanu gmietet u si uf Enteckigsreis. Wower di Unterwasserwält hei gse, heiwr nus gar nüm getrout ab z stah. Di Koralle, gälbi, roti, schwarzi, rägobogefarbigi Fische, Nemos, Seestärne, Seeigle wie ne Fuessball gross, Aale.. eifach hammer. Wir si mega beidruckt… vo denn a heimer immer u überal widr probiert öpis nöis im Wasser z entdecke. Dr Schnorchel isch ging drbi=)

Wir hei chli gmerkt dases schwirig u vorallem Zitufwändig isch e günstigi Unterkunft z Sueche u drum heiwr nus no es Zält kouft (1 Zält u 2 Mätteli für 60 Dollar!). Äs het wunderschöni Orte zum Campiere, doch di ersti Nacht im Zält isch so Luftig gsi dasmr fasch kes Oug hei zue ta. U dr ganz nägscht Tag hets grägnet drum simer de glich wider ines Hostel. Iz isch widr schöner u de weimr di letschte 2 Nächt uf Big Island no zältle.

Eigentlech ä wunderschöni Wanderig im Waipio Valley heimer no unterno, aber äs het dr ganz Tag grägnet u glichzitig isches unterem Rägeschutz tropisch warm gsi.

Iz simer wider in Hilo u da gits o vil z gse. Kava, es polynesisches Getränk heimr usprobiert, das sötti eim chli beruehige, äs schmeckt ärdig, bitter u isch ä bruni brüei, wi dräck gsets us=) gschlafe heimer imel guet.

Hüt simer ufem Maune Kea gsi. Är isch dr höischt Bärg vo Hawaii u isch 4100m ü.M. wir si vo 2800m ü.M. uehi gloffe. Äs het nus rächt beasprucht, nici ender weniger, miech ender meh =) bi chli bedusslet gsi obe, i gloube z Hirni het nüm all zu vil Surstoff übercho.. 4.5 Std simer gloffe dürne Landschaft wi ufem Mond..

Nun heisst es ALOHA Hawaii und Good Morning New Zealand!

MIri u Nicu

ALOHA!

Wier 2i gniesse z locker flockige Läbe in Hawaii.. Wir hei äs par ganz cooli täg uf Oahu verbracht.

Natürlech heiwr ä Surfstund gno am Waikikki Beach u speter ono sälber güebt. Mitem Surflehrer geit das no schnäll mal dasme cha drufstah aber eleinig isch das scho chli schwiriger, vorallem dr Zitpunkt z verwütsche zum druf stah, aber wir wärde sicher nomal chli drzuecho z üebe..

2 Täg heiwr es Outo gmietet u hei d Insle uskundschaftet u si enzückt vo där Vilfalt=) Stränd wi uf de Maledive, Pflanze wi im Urwald, Bärge wi ir Zit vode Dinosaurier, u Lüt mit Lune wi 365 Tag Ferie… Äs rägelet all tag chli, aber nume so viertel Stund wis u d betonig uf rägele.. also no so erfrüschend. Irgendwo här muess di insle ja das saftige grüen übercho. Pearl Harbour isch o sehr idrücklech gsi. Sogar d Wanderschue hei no chli Tagesliecht gse.. Wasserfäll simer ga luege, dr Pfad isch fasch chli wi düre Dschungel gsi u das scho vor de 8de am Morge=). Dr Diamant Head heimer o bezwunge, är isch ganzi 280m höi u bietet e wunderbari Ussicht uf Honolulu ud Küschte.. Leider vil z vil Touriste. In Haleiwa siwer ono gsi,"d'Surf Capital of the World". Im grosse u ganze simer 1x um di ganzi Insle u hei gstunet ab däne wunderbare Buchte, ruchi u weniger ruchi Brandige, taläntierte Surfer, Green Sea Turtles u ab dr glassene Mentalität vo de Hawiianer.

Hüt geits uf Big Island, dr grösste Insle vo Hawaii..

ALOHA Mirjam u Nicolas

So üsi Ziit ds New York isch leider scho verbii. Dr Big Apple mues me eifach mau gseh ha. Die Grössi, dr Verkehr u die Gschwindigkeit vo däm Läbe hie isch gigantisch. Das isch für üs zwöi „Landeier“ scho e riese Challenge (wo aber fägt!).

Mit vielne Idrück (Empire State Building, Rockefeller Center, Central Park, Liberty Statue, Baseball-Match, Musical Priscilla, Museeä, z ganze U-Bahn-Netz, Ground Zero, Times Square….) gö mer jitz via Los Angeles (1 Übernachtig) uf Hawaii.

Chöis no grad nid fasse das mer nach dere coole Ziit u 4 Täg fasch nume schöns Wätter z New York jitz ufem Wäg si zum nächste Highlight!

PS: unger dr Rubrik New York gsesch diversi Föteli vo Manhattan / New York

Liebi Grüess Mirjam u Nicolas

So jitz isch sogar am mimi ires Visum cho ud wohnig heimer hüt me oder weniger erfolgrich übergä! Jitz steit nis auso nüme im Wäg üses lang ersehnte Reisli a zträte.

No 2mal schlafe u dr Stahlvogel bringt nis a üse erscht Stopp ds New York (d'Schi gö dr anger Wäg ume uf Neuseeland ga warte....).

LG Mimolas

Momentan sind wir noch in den Vorbereitungen, Updates folgen so schnell als möglich!